Gəncədə universitetlərin birində təlim baş tutub. Bu haqda 3 oktyabr tarixində Azərbaycan Texnologiya Universitetinə istinadən xəbər veririk.
Azərbaycan Texnologiya Universitetində “Startaplar: İdeyadan biznesə” adlı təlim keçirilib. Tədbir tələbələr üçün nəzərdə tutulub. Təlimin məqsədi gənclərin startap sahəsində bilik və bacarıqlarının artırılmasına kömək etmək, komandaların biznes modelini hazırlamaq, komanda formalaşdırmaq bacarıqlarını artırmaqdır.
Tədbirdə, həmçinin bazarın və risklərin dəyərləndirilməsi, layihələrin investorlara təqdim edilməsi, investorlarla görüşlərə hazırlıq, komanda ilə işləmək qaydaları, mentorların seçilməsi, startap layihələrinə investor axtarışı istiqamətində təcrübələr bölüşülüb.
Qeyd edək ki, təlim ATU İnnovasiya Mərkəzinin direktoru Şamo Salayev və mütəxəssisi Tural Rüstəmov tərəfindən keçirilib.
