Gəncədə təhsil müəssisəsinin rəhbərləri bir araya gəliblər. Bu haqda 18 yanvar tarixində Regional Təhsil İdarəsinə istinadən məlumat veririk.
“Təhsil müəssisələrində yanğın təhlükəsizliyi” mövzusunda görüş Gəncə-Daşkəsən Regional Təhsil İdarəsinin və Gəncə Regional Dövlət Yanğın Nəzarəti İdarəsinin birgə təşkilatçılığı ilə baş tutub. Burada GDRTİ-nin müdiri Anar Qədiməliyev, Gəncə Regional Dövlət Yanğın Nəzarəti İdarəsinin rəisi daxili xidmət Polkovniki Natiq Piriyev, Gəncə Regional Dövlət Yanğın Nəzarəti İdarəsinin Böyük inspektoru Daxili xidmət mayoru Abbas Abbasov, məktəbəqədər və ümumi təhsil müəssisələrinin rəhbərləri iştirak ediblər.
Regional Dövlət Yanğın Nəzarəti İdarəsinin Böyük inspektoru Daxili xidmət mayoru Abbas Abbasov, idarənin rəisi Natiq Piriyev və Anar Qədiməliyev mövzu ilə bağlı danışıblar.
