Gəncədə növbəti konsert baş tutacaq. Bu haqda 23 fevral tarixində Gəncə Dövlət Filarmoniyasına istinadən məlumat veririk.
Musiqi proqramı görkəmli bəstəkar Süleyman Ələsgərovun 100 illiyinə həsr olunacaq. Burada ölkəmizin tanınmış musiqiçiləri çıxış edəcəklər. Onlar "Şərəf nişanı" ordenli sənətkarın mahnılarını səsləndirəcəklər.
Konsert 20 aprel tarixində saat 19:00-da Gəncə Dövlət Filarmoniyasında təşkil olunacaq.
Biletləri Filarmoniyanın kassasından və ya iticket.az saytından əldə etmək mümkündür. Qiymətlər 5-15 manat aralığında dəyişir.
