Gəncədə müəssisə əməkdaşları üçün ekskursiya təşkil olunub. Bu haqda 28 noyabr tarixində Heydər Əliyev Mərkəzinə istinadən məlumat veririk.
Statistika İdarəsinin rəhbərliyi və əməkdaşları Heydər Əliyev Mərkəzini ziyarət ediblər. Ekskursiya "Heydər Əliyev ili" çərçivəsində baş tutub. Qonaqlara ulu öndərin zəngin həyat yolunu və çoxşaxəli fəaliyyətini əks etdirən eksponatlar haqda məlumat verilib.
İdarənin əməldaşları, həmçinin Mədəniyyət Nazirliyinin dəstəyi və Gəncə-Daşkəsən Regional Mədəniyyət İdarəsinin təşkilatçılığı ilə Mərkəzdə təşkil olunan “Ümummilli lider Heydər Əliyev və Azərbaycan Mədəniyyəti 100” adlı sərgiyə baxış keçiriblər. Burada ulu öndərin sovet və müstəqillik illərində Azərbaycana rəhbərlik etdiyi dövrdə ədəbiyyat, rəssamlıq, xalçaçılıq, bəstəkarlıq, heykəltaraşlıq, teatr, kino və sair mədəniyyət sahələrinə olan diqqət və qayğısını əks etdirən fotoşəkillər nümayiş olunur.
