Gəncədə vətəndaş qəbulu keçirilib. Bu haqda 10 mart tarixində Əmək və Əhalinin Sosial Müdafiəsi Nazirliyinə istinadən məlumat veririk.
Əmək və əhalinin sosial müdafiəsi nazirinin müavini Vüsal Nəsirli bu gün şəhərimizə səfər edib. O, burada sakinlərlə görüşüb. Müraciət edənlər sırasında şəhid ailələrinin üzvləri və müharibə veteranları da olublar. Nazir müavini onların sosial vəziyyəti ilə maraqlanıb.
Qəbul zamanı vətəndaşların Əmək və Əhalinin Sosial Müdafiəsi Nazirliyinin səlahiyyət dairəsinə aid müraciətləri cavablandırılıb, məsələlərin həlli ilə əlaqədar tədbirlər görülüb.
