Gəncədə konsert proqramları baş tutacaq.
Gencexeber.az Gəncə Dövlət Filarmoniyasına istinadən məlumat verir ki, tədbirlər “Xalqın mədəni sərvəti” layihəsi çərçivəsində təşkil olunacaq. Proqram Azərbaycan xanəndəlik məktəbinin görkəmli nümayəndəsi Seyid Şuşinskiyə həsr ediləcək.
Layihə çərçivəsində 1-3 oktyabr tarixlərində Gəncə-Daşkəsən Regional Mədəniyyət İdarəsinin nəzdində fəaliyyət göstərən musiqi məktəblərində və Gəncə Dövlət Filarmoniyasında konsertlər keçiriləcək.
Qeyd edək ki, tədbirlər Mədəniyyət Nazirliyi, Gəncə Şəhər İcra Hakimiyyətinin dəstəyi, Gəncə-Daşkəsən Regional Mədəniyyət İdarəsinin təşkilatçılığı ilə baş tutacaq.
