Tovuzda kəndlərdən birinin sakinləri çətinliklə üzləşiblər.
Xəzər Xəbərin verdiyi məlumata əsasən, rayonun Ağdam kəndi dağətəyi bölgədə yerləşdiyindən tez-tez sel sularının təsirinə məruz qalır.
Sonuncu dəfə gələn sel bir küçəni yuyub keçilməz vəziyyətə salıb. Nəticədə 200-dən çox sakinin rayon mərkəzi və ətraf ərazilərlə əlaqəsi kəsilib. Küçənin yararsız vəziyyətə düşməsi kommunikasiya xətlərinə də zədələyib.
Sakinlərin sözlərinə görə, məsələ ilə bağlı rayon rəhbərliyinə məlumat veriblər. Lakin bir aydır ki, vəziyyət olduğu kimi qalır.
Tovuz Rayon İcra Hakimiyyətindən bildirilib ki, mövcud vəziyyətlə bağlı aidiyyəti qurumlara rəsmi müraciət ünvanlanıb. Veriləcək müvafiq qərardan sonra yolun təmirinə başlanılacaq.
