Gəncədəki istirahət guşəsində sakinləri narahat edən məsələ var. Bu haqda Gencexeber.az-a 16 iyun tarixində məlumat daxil olub.
Söhbət şəhərin Heydər Əliyev adına Park-Kompleksindən gedir. Sakinlər bildirirlər ki, burada yerləşən süni göl baxımsız haldadır. Bu səbəbdən ərazidə pis qoxu və ağcaqanadlar olur.
“Bu parkı çox sevirik. Axşam asudə vaxtlarımızda gəlib istirahət edirik. Lakin süni gölün suyu son zamanlar çirklidir. Ərazidən pis qoxu gəlir və ağcaqanad əlindən oturmaq olmur. Aidiyyəti qurumların məsələ ilə bağlı tədbir görməsini arzu edirik”, - deyə onlar qeyd ediblər.
