Gəncədə mərkəzlərdən biri baxımsız haldadır. Bu haqda Gencexeber.az-a 20 sentyabr tarixində məlumat daxil olub.
Söhbət şəhərin 5-ci mikrorayonunda yerləşən Nizami klubundan gedir. Vaxtilə mərkəzdə şahmat, rəqs, dərzilik və s. sahələr üzrə müxtəlif dərnəklər fəaliyyət göstərib. Gənclər burada pulsuz məşğul ola bilirdi.
Lakin 2000-ci illərin əvvəlindən klub fəaliyyətini dayandırıb. Hazırda burada stomatoloji kabinet, bərbərxana, baytarlıq apteki və s. yerləşir. Həmçinin sakinlər bildirirlər ki, bina baxımsız haldadır. Keçmiş Nizami klubunun hazırkı vəziyyəti onları narahat edir.
“Mərkəz fəaliyyətini bərpa etsə, çox yaxşı olardı. Burada artıq Nizami irsindən heç nə qalmayıb. Bircə binanın önündə dahi şairin büstü durur”, - deyə sakinlər qeyd ediblər.
