Gəncədə parklardan birində tamet daşları yararsız hala düşüb. Bu haqda Gencexeber.az-a 20 iyun tarixində məlumat daxil olub.
Söhbət Fikrət Əmirov adına parkdan gedir. Burada illər öncə döşənmiş tamet daşlarının bir hissəsi yeyilib, bəzi ərazilərdə qopub, yerindən çıxıb. Həmçinin bir neçə yerdə çökəklik əmələ gəlib.
Sakinlər bildirirlər ki, bu hal istirahət guşəsinin xoş göruntüsünə xələl gətirir. Bundan başqa, onlar hava qaralandan sonra parkda gəzəndə yolun nahamar olması səbəbindən çətinlik çəkdiklərini deyirlər.
“Uşaq və ya əlil arabası ilə çıxanlar var. Daşlar dağılıb, yol nahamar olub. Arabaları sürmək olmur, daşlara ilişir, təkəri boşluqlara düşür. Bir sözlə, çətinlik çəkirik. Tamet daşların yenilənməsini arzu edirik”, - deyə onlar qeyd ediblər.
[modula id="39438"]
