Gəncə Dövlət Filarmoniyasında Xalq artisti Şahnaz Haşımovanın yaradıcılıq gecəsi təşkil olunub.
Qafqazinfo xəbər verir ki, “Gəncə və gəncəlilər” layihəsi çərçivəsində keçirilən tədbirdə Xalq artistləri Şahnaz Haşımova, Gülyaz Məmmədova, Əməkdar artistlər Aybəniz Haşımova, Tural Abdullayev, sənətkarın tələbəsi Fəxri Kazım-Nicat, solist Zəminə Mustafayeva, Aşıq İlqar Nəcəfov, Türkiyədən qonaq olan saz ifaçısı Volkan Kaplan “Kəsmə şikəstə”, “Oxu gözəl”, “Sənə də qalmaz”, “İlk məhəbbət”, “Göygölüm”, “Qaragilə”, “Ana”, “Gözəl Gəncəmiz”, “Azərbaycan” mahnılarını ifa ediblər.
Həmçinin yaradıcılıq gecəsində Azərbaycan Milli Konservatoriyasının rektoru, Xalq artisti Siyavuş Kərimi, Azərbaycan Dövlət Akademik Musiqili Teatrın direktoru, Əməkdar incəsənət xadimi Əliqismət Lalayev, Muxtar Oxçaoğlu çıxış ediblər. Gecənin bədii rəhbəri Sahil Quliyev, kollektiv rəhbəri Xalq artisti Adil Bayramov, baletmeyster Sənan Cavadovdur.
