Gəncədə məktəblilər arasında yarış keçirilib. Bu haqda 6 aprel tarixində Regional Təhsil İdarəsinə istinadən məlumat veririk.
"Şahin" hərbi-idman oyununun Gəncə şəhər mərhələsi təşkil olunub. Turnir Elm və Təhsil Nazirliyi, Gənclər və İdman Nazirliyi, Müdafiə Nazirliyi, Fövqəladə Hallar Nazirliyi və Səfərbərlik və Hərbi Xidmətə Çağırış üzrə Dövlət Xidmətinin birgə təsdiqlədiyi Əsasnaməyə uyğun olaraq, N saylı hərbi hissənin bazasında baş tutub.
Çıxışlarda bildirilib ki, "Şahin" hərbi-idman oyununun gənclərin vətənpərvərlik tərbiyəsində müstəsna əhəmiyyəti var. Daha sonra iştirakçılara uğurlar arzulanıb.
Yarışda şəhərin 40 ümumtəhsil məktəbinin komandaları mübarizə aparıb.
