Gəncədə sakinlər küçəyə çıxmaqda çətinlik çəkirlər. Bu haqda Gencexeber.az-a 6 avqust tarixində məlumat daxil olub.
Sözügedən hal şəhərin Mahrasa bağı, Məhsəti, Cavad xan qəsəbələrində müşahidə olunur. Sakinlərin sözlərinə görə, sahibsiz itlər onları qorxu içində saxlayır.
“Küçəyə çıxa bilmirik qorxudan. Sürü ilə gəzirlər, yoldan keçən adamlara hürürlər. Uşaqlar da, özümüz də qorxuruq. Gecələr də səslərindən yatmaq olmur. Məsələ ilə bağlı Gəncə şəhər İcra Hakimiyyətinə müraciət edirik. Buradan deyilir ki, “YUVA” sığınacağına üz tutaq. Onlar isə fəaliyyətini dayandırdıqlarını qeyd edirlər. Kimə müraciət edəcəyimizi bilmirik. Bununla bağlı müvafiq tədbirlərin görülməsini istəyirik”, – deyə şəhər əhalisi bildirir.
