Gəncədə sahibkarlar üçün təlim təşkil olunub. Bu haqda 30 avqust tarixində Gəncə KOBİM-ə istinadən məlumat veririk.
"1C (8,2 və 8,3) platformaları əsasında mühasibat uçotunun qurulması" mövzusunda onlayn təlim Gəncə KOB İnkişaf Mərkəzi (KOBİM) tərəfindən keçirilib. Burada 32 nəfər iştirak edib. Təlimdə KOBİM-in eksperti tərəfindən 1C proqramı ilə ümumi tanışlıq, əsas vəsaitlərin alışı, istismara verilməsi, mal-materialın alışı uçotunun aparılması, istehsal prosesi üzrə əməliyyatlar, hazır məhsullar üzrə spesifikasiyaların hazırlanması, hazır məhsulların uçotu, pul vəsaitlərinin uçotu ilə bağlı ətraflı məlumat verilib. Həmçinin maliyyə və idarəetmə uçotu, uçot məlumatlarının xarici və daxili istifadəçiləri, konseptual əsasların xüsusiyyətləri, Azərbaycanda mühasibatlıq proqramları, mühasiblərin əlaqədə olduğu orqanlar barədə danışılıb.
Sonda iştirakçıların mövzu ilə bağlı sualları cavablandırılıb.
