Gəncədə Dövlət Miqrasiya Xidmətinin Regional İdarəsi tərəfindən səyyar xidmətlər davam etdirilir. Bu haqda 10 fevral tarixində Dövlət Miqrasiya Xidmətinə istinadən xəbər veririk.
Gəncə Regional Miqrasiya İdarəsinin əməkdaşları tərəfindən sağlamlıq imkanları məhdud şəxslərə növbəti səyyar xidmətlər göstərilib. Səyyar xidmətlər zamanı şəxslərin müvəqqəti yaşama icazəsinin alınması və vətəndaşlıq mənsubiyyətinin müəyyənləşdirilməsi ilə bağlı sənədləri qəbul edilib.
Həmçinin şəxslərə Azərbaycan Respublikası vətəndaşlığına qəbul olunması ilə bağlı arayış və müvəqqəti yaşamaq üçün icazə vəsiqəsi təqdim edilib. Eyni zamanda miqrasiya qanunvericiliyinə dair onları maraqlandıran məsələlərlə bağlı məlumatlar verilib.
