Gəncədə dövlət qurumlarından biri seçki günündə iş rejimini açıqlayıb. Bu haqda 6 fevral tarixində “ASAN Xidmət”ə istinadən məlumat veririk.
Sabah, 7 fevral tarixində ölkə ərazisində növbədənkənar prezident seçkiləri keçiriləcək. Bu səbəbdən həmin tarix qeyri-iş günü hesab edilir.
Bununla əlaqədar olaraq, həmin gün Gəncədə yerləşən 1 və 2 saylı "ASAN xidmət" mərkəzlərində yalnız bəzi xidmətlər göstəriləcək. Sabah vətəndaşlar şəxsiyyət vəsiqələrinin verilməsi və dəyişdirilməsi xidməti üzrə hazır sənədlərin götürülməsi üçün mərkəzə yaxınlaşa bilərlər. Sözügedən tarixdə qurum 08:00-dan 19:00-dək fəaliyyət göstərəcək.
