Gəncədə 9-cu siniflərin bilikləri yoxlanılacaq. Bu haqda 16 mart tarixində Kəpəz televiziyasına istinadən məlumat veririk.
Buraxılış imtahanının keçirilməsi üçün şəhərdə 9 bina ayrılıb. Burada iştirak üçün 2359 9-cu sinif şagirdi qeydiyyatdan keçib. Bu il ilk dəfə olaraq, prosesdə sona kimi iştirak edənlər sual kitabçalarını özləri ilə apara biləcəklər.
Dövlət İmtahan Mərkəzinin Gəncə Regional Bölməsinin müdiri Nəsimi Məmmədov bildirib ki, bir çox şagirdlər şəkilsiz şəxsiyyət vəsiqəsinə sahibdirlər. Həmin məktəblilər oxuduqları təhsil ocağının rəhbərliyindən şəkil yapışdırılmış, möhürlənmiş arayışlar əldə etməlidirlər. İmtahana isə əlavə olaraq, şəxsiyyət vəsiqəsi və buraxılış vərəqələri ilə gəlməlidirlər.
