Gəncədə sərnişin avtobusu ilə bağlı problem yaşanır. Bu haqda Gencexeber.az-a 12 avqust tarixində məlumat daxil olub.
Şəhər sakinləri 7 nömrəli marşrut xətti üzrə hərəkət edən avtobuslardan narazılıq edirlər. Belə ki, sözügedən sərnişindaşımalar axşam saatları olan kimi fəaliyyətlərini dayandırır.
“Saat 8 olmamış bir dənə avtobus işləmir. Bu avtobuslara nəzarət edən yoxdurmu? Çox əziyyət çəkirik”, -deyə sakinlər şikayət edirlər.
Qeyd edək ki, artıq neçə vaxtdır sakinlər, ümumiyyətlə, avtobusların fəaliyyətindən narazı olduqlarını bildirirlər.
