Gəncədə avtomobil qəzası baş verib. Bu haqda Gencexeber.az-a 9 iyun tarixində məlumat daxil olub.
Hadisə səhər saatlarında Nizami prospektində qeydə alınıb. 6 nömrəli məktəbin qarşısında “Hyundai” markalı avtomobilin sürücüsü İlqar adlı şəxs ürəktutması keçirib və idarəetməni itirib. Nəticədə maşın yolun kənarındakı işıqfora çarpılıb.
Əraziyə təcili tibbi yardım əməkdaşları cəlb olunublar. Məlum olub ki, sürücü ürəktutmasından yerindəcə dünyasını dəyişib.
Mərhumun yaxınlarının sözlərinə görə, o, bir müddət ürəyində sağlamlıqla bağlı problem yaşayıb.
Faktla bağlı araşdırma aparılır.
[modula id="38721"]
