Şəmkirdə avtomobillərdən birinin yanması ilə nəticələnən yol-nəqliyyat hadisəsi baş verib.
Bizim.Media xəbər verir ki, hadisə rayonun Çənlibel kəndində qeydə alınıb. Hərəkətdə olan "VAZ" və "Ford" markalı iki minik maşınlarının toqquşması zamanı avtomobillərdən birində anidən alışma baş verib. Nəticədə ”VAZ” markalı minik avtomobilinin yanar hissələri yanıb.
Hadisə yerinə FHN-in Yanğından Mühafizə İdarəsinin Şəmkir rayon bölməsinin canlı qüvvəsi və texnikası cəlb olunub.
Digər avtomobil yanğından mühafizə olunub, yanğın söndürülüb.
