Gəncədə idman yarışı baş tutub. Bu haqda 4 mart tarixində Regional Gənclər və İdman İdarəsinə istinadən məlumat veririk.
Xocalı soyqırımına həsr olunan şahmat turniri 25 fevral - 3 mart tarixlərində həyata keçirilib. Çempionatın bağlanış mərasimində elm və təhsil nazirinin müşaviri Rüstəm Ağayev, Gəncə-Daşkəsən Regional Gənclər və İdman İdarəsinin rəisi İntiqam Hüseynov, inzibati təşkilat sektorunun müdiri Azər İbrahimov, Gəncə-Daşkəsən Regional Təhsil İdarəsinin müvafiq sektor müdirləri, 1 nömrəli Uşaq-Gənclər İdman-Şahmat məktəbinin direktoru, paralimpiya çempionu Ramil Qasımov, Təhsil Respublika İdman Mərkəzinin əməkdaşları iştirak ediblər.
Yarışda A qrupu üzrə medalların əyarına və sayına görə 4 nömrəli Regional İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbi, B qrupu üzrə isə Ucar Uşaq-Gənclər İdman-Şahmat Məktəbi komanda hesabında birinci olub.
İlk 3 yerin qalibləri medal və diplomlarla təltif ediliblər.
