Gəncədə maarifləndirici tədbir keçirilib. Bu haqda 5 sentyabr tarixində Birləşmiş Xəstəxanaya istinadən məlumat veririk.
Erkən hamiləlik, hamiləliyin fəsadları, riskli hamiləlik və doğulan uşaqlarda rast gəlinən xəstəliklərə həsr olunmuş tədbir Kəpəz Ailə Sağlamlıq Mərkəzində baş tutub. Burada ailə həkimi-terapevt Tükəzban Nuriyeva və həkim mama-ginekoloq Mehparə Şirinova çıxış ediblər. Tədbir interaktiv şəkildə davam edib.
Sonda iştirakçıları maraqlandıran suallara aydınlıq gətirilib. Tədbirə həmin sahədə yaşayan gənc qadınlar, analar və həmin ASM-də işləyən qadın işçilər də qatılıblar.
