Tovuzda təmizlik aksiyası keçirilib.
Gencexeber.az Qazax-Tovuz Regional Gənclər və İdman İdarəsinə istinadən məlumat verir ki, işlər Şəhidlər Xiyabanında “27 sentyabr - Anım Günü” və “Yaşıl dünya naminə həmrəylik ili” ilə əlaqədar təşkil olunub.
Öncə şəhidlərin göstərdikləri qəhrəmanlıqlar barədə söhbət açılıb, onların əziz xatirəsinin daim yaddaşlarda qalacağı qeyd olunub. Daha sonra gənclərin iştirakı ilə şəhidlərin xatirə lövhələri təmizlənib, məzarları ətrafında təmizlik işləri aparılaraq ərazi alaq otlarından təmizlənib, ağaclar suvarılıb. Aksiyada 22 nəfər iştirak edib.
