Gəncədə iki küçədə sakinlər yollarının yararsız olmasından narahatdırlar. Bu haqda Gencexeber.az-a 15 dekabr tarixində məlumat daxil olub.
Bu hal Elman Araslı və Sədi küçələrində müşahidə olunur. Adıçəkilən ərazilərdə avtomobil yollarının təmirə ehtiyacı var. Yolda çökəkliklər əmələ gəlib. Sakinlərin sözlərinə görə, sözügedən vəziyyət piyadalar və sürücülər üçün çətinlik yaradır.
“Yağış yağan kimi küçəmiz yaman günə qalır. Yağış suları səbəbindən yolda gölməçələr yaranır”, - deyə sakinlər qeyd ediblər. Onlar küçələrdə yol infrastrukturunun bərpa edilməsini arzu edirlər.
[modula id="51653"]
