Gəncədə daha bir küçə qaranlıqda qalıb. Bu haqda Gencexeber.az-a 30 yanvar tarixində məlumat daxil olub.
Söhbət Azərbaycan küçəsinin bir hissəsindən gedir. Adıçəkilən ərazidə işıq dirəkləri quraşdırılmayıb. Bu səbəbdən hava qaralandan sonra sakinlərin və avtomobillərin hərəkətində çətinlik yaranır.
“Hava qaralandan sonra küçə ilə gəzmək mümkün deyil. Zülmət qaranlıq düşür. Küçədə işıqlandırma üçün dirəklər qoyulmayıb. Ərazinin işıqlandırılmaması səbəbindən çətinliklər yaşayırıq”, – deyə onlar bildiriblər.
