Gəncədə abadlıq işləri davam edir. Bu haqda 6 fevral tarixində MKTİB-yə istinadən məlumat veririk.
Aksiya Mənzil Kommunal Təsərrüfatı İstehsalat Birliyinin Yaşıllaşdırma şöbəsi tərəfindən keçirilir. Gülçülük sahəsində yerli mütəxəssislər tərəfindən yetişdirilən yaz güllərinin şəhərin küçə və prospektlərinə, park və xiyabanlarına köçürülməsinə başlanılıb.
İlkin olaraq, Heydər Əliyev prospektində yerləşən dairədə, Cavad xan küçəsində, Şah İsmayıl Xətai prospektində yerləşən "Dəyirman" dairəsində və Nizami Gəncəvi prospektindəki ulu öndərin şəkli əks olunan böyük lövhənin önündə, Bayraq meydanında təyin olunan yerlərdə bahar müjdəçilərinin əkini aparılıb. Şəhərimizin estetik görünüşünə rəng qatan primula və viola güllərinin əkini həftə boyu davam etdiriləcək.
Həmçinin yaşıllıq aksiyası çərçivəsində MKTİB-nin əməkdaşları tərəfindən mövcud yaşıllıqlara aqrotexniki qulluq göstərilib və bitkilər suvarılıb.
