Gəncədə bir neçə küçədə qazıntı işləri aparılır. Bu haqda Gencexeber.az-a 1 may tarixində məlumat daxil olub.
İşlər şəhərin Cavad bəy Rəfibəyli, Dədə Yediyar, Şota Rustaveli küçələrində görülür. Ərazilərə aidiyyəti qurumun canlı qüvvə və texnikası cəlb olunub. Küçələrin bir hissəsi qazılır. Həmin ərazilərə müvafiq olaraq, yeni kanalizasiya və su boruları yerləşdiriləcək.
Qeyd edək ki, Cavad bəy Rəfibəyli ilə Təbriz küçələrində də kanalizasiya xətti çəkilir. Sözügedən işlərlə əlaqədar yollarda hərəkət qismən məhduddur.
[modula id="58840"]
