Gəncə Dövlət Filarmoniyasında tədbir təşkil olunub. Bu haqda 9 aprel tarixində Kəpəz televiziyasına istinadən xəbər veririk.
Filarmoniyada "Urbanda görüşərik" layihəsi çərçivəsində "Qiraət axşamı" keçirilib. Gecədə ud və balabanın müşayiəti ilə Azərbaycan ədəbiyyatının görkəmli nümayəndələri Nizami Gəncəvi, Məhəmməd Füzuli, İmadəddin Nəsiminin şeirləri səsləndirilib.
Tədbirdə səsləndirilən şeirlər Həsən Fəttan, Vüsal Hicran, İmamverdi Vəliyev, Əsgər Məmmədov və başqalarının təqdimatında dilə gətirilib. Gəncə Dövlət Filarmoniyasının direktorunun sözlərinə görə, mütamədi olaraq keçirilən layihə ölkəmizin incəsənətinə və ədəbiyyatına böyük töhfə olacaq.
