Gəncədə vətəndaşların müraciətləri dinlənilib. Bu haqda 2 may tarixində İcra Hakimiyyətinə istinadən məlumat veririk.
Səyyar görüş açıq havada təşkil olunub. Burada icra başçısı Niyazi Bayramov, bələdiyyə sədrləri, İcra Hakimiyyəti başçısı Aparatının məsul əməkdaşları, idarə, müəssisə və təşkilat rəhbərləri iştirak ediblər.
Tədbirdə sakinlər tək-tək dinləniliblər. Müraciətlər, əsasən, maddi yardımın göstərilməsi, fərdi yaşayış evinə qaz xəttinin çəkilməsi, işlə təminat və s. məsələlərdən ibarət olub. Burada səsləndirilən problemlərin bir çoxu yerindəcə öz həllini tapıb, digərlərinin isə həlli üçün tapşırıqlar verilib.
