Gəncədəki xəstəxanalardan birində təlim baş tutub. Bu haqda 28 iyun tarixində Birləşmiş Xəstəxanaya istinadən xəbər veririk.
Təlim “Klinik tibbi protokolların tətbiqinə nəzarət mexanizminin qurulması və hesabatlığın təmin olunması” mövzusunda keçirilib. Burada TƏBİB-nin Tədqiqatlar və protokolların tətbiqi şöbəsinin müdiri Kəmalə Ağayeva klinik tibbi protokolların tətbiqi, nəzarət mexanizminin qurulması və hesabatlığın təmin olunması haqqında cıxış edib.
Toplantıda Gəncə TƏB-yə daxil olan rayon mərkəzi xəstəxanalarının direktor müavinləri, Tibbi Şuranın tibbi heyəti, şöbə və bölmə müdirləri iştirak ediblər.
