Gəncə Dövlət Filarmoniyasında konsert keçiriləcək. Gencexeber.az iticket.az-a istinadən xəbər verir ki, tədbir 23 sentyabr saat 19:00-da təşkil olunacaq.
“Ruhun qidası” adlı musiqi proqramında gənc kamança ifaçısı, respublika və beynəlxalq müsabiqələr laureatı Mədinə Şahgəldiyeva fərqli musiqilər səsləndirəcək. İlk dəfə konserti keçiriləcək tanınmış kamança ifaçısını Nərmin Rzayeva müşayiət edəcək.
Burada gənc ifaçılar Üzeyir Hacıbəyli, Sevda İbrahimova, Bela Bartok, List, Şopen, Bethoven, Bela Kovacs kimi bəstəkarların əsərlərini səsləndirəcəklər.
Tədbirin biletləri 5 manatdan 15 manata qədərdir. Onları iticket.az saytından və ya Filarmoniyanın kassasından əldə etmək olar.
