Gəncədə bir qrup şagirdlə görüş baş tutub. Bu haqda 12 mart tarixində Regional Təhsil İdarəsinə istinadən məlumat veririk.
Respublika fənn olimpiadasının final mərhələsində iştirak etmək hüququ qazanmış şagirdlər və "Kod saatı" qlobal hərəkatı çərçivəsində “Kod saatı: rəqəmsal gələcəyə addım 2023” müsabiqəsinin qalibi olmuş məktəblilər bir araya gəliblər. Tədbir Gəncə-Daşkəsən Regional Təhsil İdarəsinin inzibati binasında təşkil olunub.
Burada idarənin müdiri Anar Qədiməliyev, əməkdaşları, şagirdlər və onların təhsil aldığı məktəblərin direktorları iştirak ediblər.
Qədiməliyev məktəbliləri təbrik edərək onlara hədiyyələr bağışlayıb.
