Gəncədə şagirdlər imtahanda iştirak ediblər. Bu haqda 26 fevral tarixində Kəpəz Televiziyasına istinadən xəbər veririk.
Şagirdlər arasında Respublika fənn olimpiadasının yarımfinal turu keçirilib. Ümumilikdə 530 şagird 7 fənn üzrə imtahan verib. 8-11-ci sinif şagirdləri 3 saat ərzində 30 sualı cavablandırıblar.
Növbəti - test formasında təşkil ediləcək imtahan cavablarının qiymətləndirilməsi 100 ballıq sistemlə aparılacaq. Keçid balını toplayanlar Respublika fənn olimpiadasının final mərhələsinə vəsiqə qazanacaqlar.
Qeyd edək ki, final mərhələsinin aprel ayında keçirilməsi nəzərdə tutulur.
İmtahan rəhbəri Səməndər Həsənovun sözlərinə görə, Respublika fənn olimpiadasının qalibləri, yəni medal alan şagirdləri Dövlət İmtahan Mərkəzinin imtahanlarında iştirak etmədən universitetlərə qəbul olmaq şansları qazanırlar.
