Gəncədə məktəblilər universitetdə olublar. Bu haqda 30 yanvar tarixində ADAU-ya istinadən məlumat veririk.
Kəpəz Hazırlıq Kurslarında I, II, və IV ixtisas qrupları üzrə hazırlıq keçən 10 və 11-ci sinifdə təhsil alan abituriyentlər Azərbaycan Dövlət Aqrar Universitetini ziyarət ediblər. Onların arasında, əsasən, Gəncə, Samux, Şəmkir və Mingəçevirdən olan məktəblilər yer alıblar.
Qonaqlar əvvəlcə ADAU-nun Baytarlıq tədris korpusunda yerləşən muzey və laboratoriyalarla tanış olublar, daha sonra isə Tələbə evlərini gəziblər.
Abituriyentlərə, həmçinin universitetin maddi-texniki bazası, tədris-təcrübə imkanları və beynəlxalq əlaqələri barədə ətraflı məlumat verilib, ali təhsil müəssisəsi haqqında videoçarx nümayiş olunub.
Sonda abituriyentlərin sualları cavablandırılıb.
