Gəncədə daha bir avtomobil qəzası baş verib. Bu haqda Gencexeber.az-a 9 sentyabr tarixində məlumat daxil olub.
Hadisə şəhərin Heydər Əliyev prospektinin Nizami Gəncəvi küçəsi ilə kəsişməsində qeydə alınıb. Yol hərəkəti qaydalarını pozaraq anidən sola dönən “Chevrolet” markalı avtomobil arxasınca hərəkətdə olan “KİA” ilə toqquşub.
Nəticədə avtomobillərə ziyan dəyib. Qəza zamanı xəsarət alan olmayıb.
Əraziyə polis əməkdaşları cəlb ediliblər. Faktla bağlı araşdırma aparılır.
