Gəncədə qanvermə aksiyası keçirilib. Bu haqda 29 may tarixində Gənclər və İdman Baş idarəsinə istinadən məlumat veririk.
"Qan ver, həyat xilas et!" şüarı altında könüllü qanvermə aksiyası "28 May - Müstəqillik Günü"nə həsr olunub. Tədbir Gənclər və İdman Nazirliyinin təşəbbüsü, Mərkəzi Qan Bankının Gəncə bölməsinin dəstəyi və Gənclər və İdman Baş İdarəsinin təşkilatçılığı ilə baş tutub.
Aksiyada Gənclər və İdman Baş İdarəsinin rəhbərliyi və kollektivi, Baş İdarənin nəzdində fəaliyyət göstərən qurumların nümayəndələri, Gəncədə fəaliyyət göstərən UGİŞM-nin məşqçi-müəllimləri, idmançılar, TGT- nin üzvləri, gənclər və ictimaiyyətin nümayəndələri iştirak ediblər.
