Meşələrdə iməcilik keçirilib.
Gencexeber.az Ekologiya və Təbii Sərvətlər Nazirliyinə istinadən məlumat verir ki, Ümumrespublika Təmizlik Marafonu çərçivəsində meşə əraziləri təmizlənib.
“Təmiz ölkəm” devizi altında təşkil olunan tədbir qərb bölgələri – Göygöl, Qazax və Gədəbəy rayonları ilə yanaşı, Masallı, Beyləqan, İsmayıllı, Şəki, Zaqatala, Oğuz, Qusar, Xızı, Sabirabad, Astara və Bərdə rayonlarında da keçirilib.
Ekologiya və Təbii Sərvətlər Nazirliyinin yerli qurumlarının, kommunal müəssisə kombinatlarının nümayəndələrinin və rayon sakinlərinin iştirakı ilə keçirilən iməciliklər zamanı 2,3 tondan artıq tullantı yığılaraq ərazilərdən daşınıb.
