Gəncədə görkəmli bəstəkar Qəmbər Hüseynlinin abidəsi üzərində və ətrafında təmizlik işləri həyata keçirilib. Bu haqda 1 avqust tarixində MKTİB-yə istinadən xəbər veririk.
Dünya şöhrətli “Cücələrin”in müəllifi Qəmbər Hüseynlinin abidəsi üzərində və ətrafında təmizlik işləri görülüb, mövcud yaşıllıqlara aqrotexniki qulluq göstərilib. Niyazi Bayramovun tapşırığına uyğun olaraq, ötən il sözügedən ərazidə uşaqlar üçün attraksionlar, həmçinin idmansevərlər üçün trenajorlar qurulub.
Bundan başqa, parka oturacaqlar qoyulub, müasir işıqlandırma sistemi çəkilib və zibil qutuları yerləşdirilib. Ötən il bəstəkarın abidəsi ətrafında MKTİB tərəfindən abadlıq işləri aparılıb.
Qeyd edək ki, hər il aprel ayının 16-sı doğum günü və iyul ayının 31-i vəfatı günü münasibətilə mərhum bəstəkarın abidəsi qarşısında şəhər rəhbərliyi və ziyalıların iştirakı ilə anım tədbirləri həyata keçirilir.
