Şəmkirdə tarixi abidənin ətrafındakı vəziyyət narahatlığa səbəb olub.
Oxu.az-ın məlumatına əsasən, rayon ərazisində aparılan qazıntılardan sonra 2019-cu ildə Tarix-Mədəniyyət Qoruğu yaradılıb. Daha sonra məlum olub ki, qoruğun mühafizə ərazisinə düşən bəzi torpaqlar kənar məqsədlər üçün istifadə olunur.
Məsələn, qədim körpü qalıqlarının yaxınlığında əkin işləri aparılır. Bu ərazilər kənd sakinlərinə 1998-ci ildə Torpaq İslahat Komissiyası tərəfindən pay torpağı kimi verilib.
Bununla bağlı "Qədim Şəmkir Şəhəri" Qoruğunun direktoru Nurlan Həsənov bildirib ki, müvafiq dövlət qurumlarına müraciət olunub. Evlər və əkin sahələrinin gələcəkdə köçürülməsi planlaşdırılır.
