Gəncə şəhər Mənzil Kommunal Təsərrüfatı İstehsalat Birliyinin Küçə İşıqlandırması şöbəsi tərəfindən şəhərin küçə və prospektlərində, park və xiyabanlarında, həmçinin yaşayış massivlərində mütəmadi olaraq təmir işləri həyata keçirir.
Gencexeber.az MKTİB-yə istinadən bildirir ki, qurumun adıçəkilən şöbəsi tərəfindən köhnə plafonlar dəyişdirilir, lampalar daha müasir qənaətli, eləcə də işıqlandırma sahəsi daha geniş olan yeni LED lampaları ilə əvəzlənirlər. Bundan başqa ehtiyac duyulan yerlərə yeni dirəklər basdırılır, müasir gecə işıqlandırma sistemi çəkilir. Elə şəhərin Nizami Gəncəvi prospektində həyata keçirilən təmir işləri də bu qəbildən sayılır. Prospektin mərkəzi hissəsində yolun bir tərəfindəki kabelin zədələnmiş hissəsi yenisi ilə əvəzlənərək mövcud nasazlıq aradan qaldırılıb və istismar müddəti bitmiş işləməyən lampalar yeniləri ilə əvəzlənib.
