Gəncədə yol polisi jest edib. Bu haqda 9 mart tarixində Kəpəz televiziyasına istinadən məlumat veririk.
8 Mart - Beynəlxalq Qadınlar Günü münasibətilə Dövlət Yol Polisi əməkdaşları sükan arxasında olan xanımları təbrik ediblər. Baş polis idarəsinin əməkdaşları reyd keçiriblər. Şəhərin mərkəzi küçələrində sükan arxasında əyləşən xanımların avtomobilləri “saxla” işarəsi ilə dayandırılıb. Onlara cərimə və ya xəbərdarlıq deyil, bayramları münasibətilə gül təqdim edilib.
Yol polisləri sürücü xanımlara yollarda ehtiyatlı olmağın, qaydalara riayət etmələrinin vacibliyini də xatırladıblar.
