“Ümumtəhsil müəssisələrində şagird sağlamlığı, təhlükəsizliyi və məmnunluğu, nizam-intizamın idarə olunması istiqamətində monitorinq”lərinin aparılması məqsədilə Gəncə-Daşkəsən Regional Təhsil İdarəsinin, Gəncə şəhər Baş Polis İdarəsinin və “Məktəblinin dostu” layihəsinin əməkdaşlarının iştirakı ilə monitorinqlər həyata keçirilib.
Gencexeber.az-a bu barədə regional təhsil idarəsindən məlumat verilib.
Əlavə olunub ki, monitorinqlər zamanı şagirdlərin müəssisəyə qəbuluna nəzarət, şagirdlərin gecikmə hallarının qeydiyyatı, məktəbin həyətinə və binasına giriş-çıxışa nəzarət, tənəffüs zamanı dəhlizlərdə şagirdlərin məktəbdaxili nizam-intizam qaydalarına əməl etməsi və digər məktəbdaxili qaydalar nəzarət həyata keçirilib.
Qeyd edilib ki, proses digər ümumi təhsil müəssisələrində də davam etdiriləcək.
