Gəncədə piyadanın ölümü ilə nəticələnən qəza ilə bağlı yeni məlumat üzə çıxıb. Bu haqda 4 mart tarixində Apa-ya istinadən məlumat veririk.
Ötən gün Üzeyir Hacıbəyov prospektində Samux rayon sakini Xəyal Yolçuyev “VAZ-2107” markalı avtomobillə 21 yaşlı Şəhriyar Məmmədovu vurmuşdu. Piyada yerindəcə dünyasını dəyişmişdi.
Qəzanı törədən sürücünün polis əməkdaşı olduğu məlum olub. O, Nəqliyyatda Baş Polis İdarəsinin Gəncə şəhər Dəmir yolu Xətt Polis Şöbəsində işləyir.
Faktla bağlı araşdırma aparılır.
