Gəncədə küçələrdən birində açıq lük sakinlər üçün təhlükə yaradır. Bu haqda Gencexeber.az-a 14 iyun tarixində məlumat daxil olub.
Söhbət şəhərin Hacı Əli Hüseynzadə və Nəsib bəy Yusifbəyli küçələrindən gedir. Burada piyada səkisinin yanındakı artezian lükünün üstünə qapaq qoyulmayıb. Yaxınlıqda yaşayanlar xəbərdarlıq üçün yanına beton maneə yerləşdiriblər. Sakinlər bildirirlər ki, quyunun ağzının açıq olması gecə vaxtı həm piyada, həm də sürücülər üçün təhlükəli vəziyyət yaradır.
Bundan başqa, avtomobil yolunun mərkəzində yağış sularının axması üçün üstü dəmir barmaqlıqlarla örtülü quyu yerləşir. Həmin lükün ətrafında asfalt örtüyü dağılıb və çökəklik yaranıb.
[modula id="39142"]
