Gəncədə “Peşəkar idarəçi” müsabiqəsinin test imtahanı mərhələsi keçirilib. Bu haqda 17 iyun tarixində Gəncə - Daşkəsən Regional Təhsil İdarəsinə istinadən məlumat veririk.
28 nömrəli tam orta məktəbdə baş tutan müsabiqədə 254 nəfər namizəd iştirak edib. Test imtahanında namizədlərə 80 dəqiqə müddətində tənqidi oxu bacarığı, məntiqi təfəkkür, əmək və təhsil qanunvericiliyi üzrə ümumilikdə 45 test tapşırığı təqdim olunub.
Qeyd edək ki, müsabiqənin məqsədi yerli təhsili idarəetmə orqanlarının fəaliyyətinə dəstək verəcək kadrları aşkar etmək, karyerasını təhsilin idarə olunması sahəsində qurmaq istəyən pedaqoji işçilərə dəstək verməkdır.
