Tanınmış reperin konsertinə Gəncədən birbaşa avtobuslar hərəkət edəcək. Bu haqda 12 iyun tarixində Milli.az-a istinadən məlumat veririk.
Uzun zamandır səhnələrdən uzaq olan reper Paster (Pərviz Quluzadə) iyulun 1-də Elektra Events Hall-da solo konsertlə çıxış edəcək. Xüsusi olaraq, həmin konsertə Pasterin regionlardakı pərəstişkarları üçün avtobuslar təşkil olunub.
Avtobuslar ödənişsiz olaraq iyulun 1-i saat 12:00-da Gəncə avtovağzalından Bakı istiqamətində hərəkət edəcək. Konsert bitdikdən sonra isə regionlardan gələn dinləyiciləri geri qaytaracaq.
Qeyd edək ki, Pasterin 27 aprel tarixində işıq üzü görən "Çirkin" albomu artıq 1 milyondan çox dinləmə toplayıb.
