Gəncədə abituriyentlər üçün xüsusi mərkəzlər fəaliyyət göstərir. Bu haqda 4 mart tarixində Kəpəz televiziyasına istinadən məlumat veririk.
2023-2024-cü tədris ili üçün Ali təhsil müəssisələrinə və tam orta təhsil bazasında orta ixtisas təhsili müəssisələrinə sənəd qəbuluna başlanılıb. Cari və əvvəlki ilin məzunları martın 15-dək elektron ərizələrini təsdiq etməlidirlər.
Abituriyentlərə yardım məqsədilə Abituriyent Məsləhət Mərkəzləri fəaliyyət göstərir. Elektron ərizələrini təsdiq etməkdə çətinlik çəkənlər və ya qarşıya çıxa biləcək texniki problemlərin həlli haqqında köməklik istəyən abituriyentlər DİM-in Gəncə regional mərkəzində yaradılan mərkəzə yaxınlaşa bilərlər. Mərkəz həftənin 5 günü 10:00-dan 17:00-dək işləyir.
Qeyd edək ki, DİM-in Gəncə regional mərkəzi İcra Hakimiyyəti binasında yerləşir.
