Gəncədə çox sayda ağaclar baxımsız qalıb.
Gencexeber.az-a sakinlər tərəfindən daxil olan məlumata əsasən, sözügedən hal şəhərin 39 nömrəli tam orta məktəbinin qarşısı və s. ərazilərdə müşahidə edilir. Onların sözlərinə görə, fərqli tədbirlər çərçivəsində iməciliklə əkilən ağacların 90 faizi bir müddət sonra quruyur. Bitkilərə aqrotexniki qulluq olunmur və suvarılmır.
Analoji hal ilə çoxillik ağacların yerləşdiyi ərazilərdə də rastlaşmaq mümkündür.
“Hər tədbirdən sonra 5-10 nəfər gəlir ağaclar əkirlər, sonra isə onlara qullaq edən olmur. Bitkilərin əksəriyyəti quruyur. Şəhərin fərqli hissələrində də çox sayda ağaclar baxımsız qalıb. Aidiyyəti qurum niyə suvarılma işlərinə baxmır? Qurumuş bitkilər güclü külək əsəndə hər kəs üçün təhlükə yaradır. Kəsmək istəyən kimi isə qurumlar gəlir cərimə edirlər. Onnansa vaxtında qulluq göstərilsin bitkilərə ki, quruyub getməsinlər. Yeniləri əkməklə yanaşı, mövcud ağaclara da diqqət yetirilməlidir”, - deyə vətəndaşlar qeyd ediblər.
