Gəncə Şəhər İcra Hakimiyyətinin başçısı vətəndaşların müraciətlərini dinləyib. Bu haqda 3 fevral tarixində İcra Hakimiyyətinə istinadən xəbər veririk.
Niyazi Bayramov növbəti dəfə vətəndaşlarla görüşüb. Burada sakinlər tək-tək çıxış edərək, öz şikayət və təkliflərini dilə gətiriblər. Müraciətlər arasında işlə təminat, müalicə, mənzil-məişət şəraitinin yaxşılaşdırılması üçün maddi yardımın göstərilməsi və digər məsələlər üstünlük təşkil edib.
Şəhər başçısı sakinləri narahat edən məsələlərin həlli istiqamətində müəyyən tapşırıqlar verib. Problemlərin bir çoxu isə yerindəcə öz həllini tapıb.
