Şəmkirdə vətəndaş qəbulu baş tutacaq.
Gencexeber.az Əmək və Əhalinin Sosial Müdafiəsi Nazirliyinə istinadən məlumat verir ki, nazir müavini Vüsal Nəsirli oktyabrın 24-də Şəmkirə səfər edəcək. O, burada Şəmkir və Gədəbəy sakinləri ilə görüşəcək.
Qəbul zamanı vətəndaşların nazirliyin səlahiyyət dairəsinə aid müraciətləri cavablandırılacaq, görüşdə əksini tapan məsələlərin həlli ilə əlaqədar tədbirlər görüləcək.
Sakinlər 15-21 oktyabr tarixlərində rəsmi şəkildə (info@sosial.gov.az elektron ünvanı və ya poçt vasitəsilə) müraciət edərək və ya “142” Çağrı mərkəzi ilə əlaqə saxlayaraq qəbula yazıla bilərlər.
